غناوي+شتاوي, كوكتيل

اولا:الشتاوي:


جا فاهق عالعين امصقع ****** مليت ونا فيه انرقع

بالعين السودة غمزاتة ***** خلاتة يبرم خلاتة

بالكلمة الحلوة ناديتة ***** خليتة يبرم خليتة

بعد ما يهلب ثلث الليل ***** يجدن عالعين مواويل

تذوب الكبد وتبقى دم ****** ولا تنسى لوعة لقدم

بكيتي واجد عالولاف ***** بكا ما زادك غير ارياف

انتي يا العين عطيبة حظ ****** اديري صوب اسبوع يفظ

باقي يا لولاف انغفي ******* كنت الا نصفق في كفي

برين يا لقديم اجروحك ****** ما تبكي غير علي روحك

بعد مرجى واجد وارياف ***** اليوم زهيتي بي لولاف

بعد ياسات وكوم جروح ****** الخاطر ردت فيه الروح

بكرتي واجد عالوهام ****** استعجلتي مازال ضلام

بين خطاه وبين جروحي ****** وين انعدي بيك يا روحي؟

تذويحك ومباتك برة ******* كله م المرهون وجرة

تشحط يا نوم علينا ****** كيفك كيف اللي جافينا

تشفى في نيرانه عيب ****** اللي ما عندك فيه نصيب

تقاوى جرحي نا ولعين ****** انريد مداوي عزمه زين

تلذيع كملنا يا غالي ******** لكن مو عالمها والي


.................................................

توعر دنا مرهون حسادنا مشاويش فى العلا.... عثمان ميلاد

اندوس فى العدا وانجيه مرهون فى غناديق ولعته ...... مسعود نوح

عساس ايشو دونه عديت دودنه ما سلتم......... فتاح العقيبى

توامج احذا مرهون والجاسر اللى باوع اقتل ............عثمان

وبعدها اطلبو من فتاح الرد ولكنه عرف ان الموضوع مقفل فقال..



.................
مشَى العَقل شَوْر الدّار بيُوْض رقْعته نار جابْها.

انْرِيْد نلْتفِت ما صدِتْ لَيّام قَشْقلَة واخْذاتْنِي.

مِن خَوْف قَول وَيْن تريد هَوِيْد لَيل للدّار ننْسرِق.

نَلْقان فَقْدتي لْعَزِيْز تكْمِيْضَة عَلَيْ نار ما طْفَتْ
..................

عَ الصَّوْب كان تاب العَقل انْخافَه الاّ زامِق زمَق.

يَكْمَوا النار ويعِيْشوا يَلْقَوا عزُوْم يا عَوْنهم اللي.

مشَى خَبِيْر جا بالقَوْد وطَى اَوْهام شاوي دَبُوهِن.

نْذاري معَا لَيّام بشْواش نَيْن ياك يلايْمَن.

عجايب سقاته نار منها العقل ما فيه ناجية.

كمَيْتْ عَبْرتِي وارَيْت طرَوْهم اَنْظاري رَقْرقَن.

نمْشِي له بعِيْد قرِيْب أَيّام والغَلا فِيْه نَوفْته.

تحياتي